પંજાબના જલંધરમાં ત્રણ માસુમ દીકરીઓની પિતાએ હત્યા કરી મૃતદેહ પેટીમાં સંતાડ્યા : ચકચારી ઘટનાને લઈને ફિટકાર|

પંજાબના જલંધરમાં ત્રણ માસુમ દીકરીઓની પિતાએ હત્યા કરી મૃતદેહ પેટીમાં સંતાડ્યા : ચકચારી ઘટનાને લઈને ફિટકાર

By Weu Network 3, October 2023

- ગરીબીને કારણે હત્યા કરી હોવાનો પિતાનો લૂલો બચાવો

- નવ વર્ષ, સાત વર્ષ અને ત્રણ વર્ષની ત્રણ દીકરીઓને મોતને ઘાટ ઉતારી

જલંધર, મંગળવાર

પંજાબના જલંધરમાં એક પિતાએ પોતાની જ ત્રણ દીકરીઓને મોતને ઘાટ ઉતારીને તેમના મૃતદેહને પેટીમાં સંતાડી દીધાં હતાં. દીકરીઓ ગુમ થતાં મકાન માલિક દ્વારા પોલીસને જાણ કરવામાં આવી હતી. જેમાં તપાસમાં ત્રણેય દીકરીઓના મૃતદેહ મળી આવ્યા હતા. પોલીસ દ્વારા હત્યારા પિતાની ધરપકડ કરવામાં આવી છે. પ્રાથમિક પૂછપરછમાં પિતાએ ગરીબીને કારણે દીકરીઓની હત્યા કરી હોવાની કેફિયત રજૂ કરી છે. હાલમાં પોલીસ આ મામલામાં વધુ તપાસ કરી રહી છે.ગાંધીનગર, દહેગામ, કલોલ અને માણસા તાલુકાના નાના મોટા સમાચારની લીંક મેળવવા માટે આ લીંક પર ટચ કરો અને અમારા વોટ્સઅપ ગ્રુપને જોઈન્ટ કરો અને મેળવો તમામ સમાચાર

પંજાબના જલંધરમાં એક ચકચારી ઘટના સામે આવી છે. જેમાં સુનીલ મંડળ નામના પોતાની જ ત્રણ દીકરી અમૃતા કુમારી (ઉંમર વર્ષ 9), કંચન કુમારી (ઉંમર વર્ષ 7) અને વાસુ( ઉંમર વર્ષ 3) ની હત્યા કરી હતી. બાદમાં ત્રણેયના મૃતદેહને સુનિલે પેટીમાં મૂકી દીધા હતા. સુનિલ પેટી બહાર કાઢી રહ્યો હતો ત્યારે લોકોએ જોયું તો એમાં ત્રણે દીકરીઓના મૃતદેહ પડ્યા હતા ઘટનાની જાણ પોલીસને કરવામાં આવતા પોલીસ સ્થળ ઉપર પહોંચી હતી અને હત્યારા પિતાની ધરપકડ કરી હતી પ્રાથમિક તપાસમાં સુનિલે જણાવ્યું હતું કે સવારે આઠ વાગ્યાથી લઈને રાત્રે 8 વાગ્યા સુધી તે કામ ઉપર ગયો હતો અને પરત આવ્યો ત્યારે દીકરીઓ ન મળતાં આખી રાત તેમને શોધ્યા બાદ અંતે પોલીસ ફરિયાદ કરી હતી. જોકે, પોલીસની સઘન પૂછપરછમાં સુનિલ ભાંગી પડ્યો હતો અને ગરીબીને કારણે દીકરીઓની ઝેર આપીને હત્યા કરી હોવાની કબુલાત કરી હતી. અત્રે ઉલ્લેખનીય છે કે સુનીલ ડ્રગ એડિક્ટ છે અને દારૂના નશામાં રહે છે. સુનિલ મંડળને કુલ પાંચ બાળકો હતા, જેમાંથી ત્રણને તેને મોતને ઘાટ ઉતાર્યા છે.ગાંધીનગર, દહેગામ, કલોલ અને માણસા તાલુકાના નાના મોટા સમાચારની લીંક મેળવવા માટે આ લીંક પર ટચ કરો અને અમારા વોટ્સઅપ ગ્રુપને જોઈન્ટ કરો અને મેળવો તમામ સમાચાર