International

અમેરિકાના ફિલાડેલ્ફિયામાં ભંયકર દુર્ઘટના : ત્રણ માળની ઈમારતમાં લાગી આગી, 8 બાળકો સહિત 12ના મોત

અમેરિકાના ફિલાડેલ્ફિયામાં ભંયકર દુર્ઘટના : ત્રણ માળની ઈમારતમાં લાગી આગી, 8 બાળકો સહિત 12ના મોત

- આગનું કારણ જાણી શકાયું નથી પરંતુ શહેરમાં અત્યાર સુધીની આ સૌથી મોટી દુર્ઘટના

- મકાનમાં લાગેલી આગમાં આઠ બાળકો સહિત 12 લોકોના મોત થયા

 

અમેરિકા,ગુરુવાર

  USAના ફિલાડેલ્ફિયામાં બે માળના મકાનમાં લાગેલી આગમાં આઠ બાળકો સહિત 12 લોકોના મોત થયા છે. ફાયર અધિકારીઓએ આ માહિતી આપી છે. અધિકારીઓએ જણાવ્યું કે બે લોકોને હોસ્પિટલમાં મોકલવામાં આવ્યા છે અને અન્ય પીડિતોની શોધ ચાલી રહી છે. અધિકારીઓએ આ ઘટનામાં વધુ જાનહાનિ થવાની આશંકા વ્યક્ત કરી છે. આ ઘરમાં 26 લોકો રહેતા હતા. ફાયર અધિકારીઓએ જણાવ્યું હતું કે ઘરને આગ વિશે ચેતવણી આપતું એલાર્મ કામ કરતું ન હોવાનું જણાય છે.

  બુધવારે વહેલી સવારે લાગેલી આગનું કારણ પણ જાણી શકાયું નથી પરંતુ શહેરમાં અત્યાર સુધીની આ સૌથી મોટી દુર્ઘટના છે. જેમાં આગના કારણે ઘણા લોકોએ જીવ ગુમાવ્યા છે. અધિકારીઓએ આ ઘટનામાં માર્યા ગયેલા લોકોના નામ અને ઉંમર જણાવી નથી. સવારે 6.30 વાગ્યા પહેલા આગ લાગી હતી. ઓછામાં ઓછા આઠ લોકો આગમાંથી બચવામાં સફળ રહ્યા હતા. પરિવારના સભ્યોએ ફેસબુક પર બંને પીડિતોની ઓળખ કરી છે. બે બહેનો રોઝેલી મેકડોનાલ્ડ (33) અને વર્જીનિયા થોમસ (30) છે.

મૃતકોમાં 4 વયસ્ક છે
  જોકે હજુ સુધી એ સ્પષ્ટ નથી થયું કે આગના સમયે કેટલા બાળકો હાજર હતા અથવા કેટલા બાળકો મૃત્યુ પામ્યા હતા. ફાયર અધિકારીઓએ અગાઉ જણાવ્યું હતું કે આ ઘટનામાં સાત બાળકો સહિત 13 લોકોના મોત થયા હતા, પરંતુ બુધવારે સાંજે તેઓએ જણાવ્યું હતું કે માર્યા ગયેલા લોકોમાં આઠ બાળકો અને ચાર પુખ્ત વયના લોકોનો સમાવેશ થાય છે. ફાયર ઓફિસરોને ઘરમાંથી બાળકને બચાવવામાં સફળતા મળી હતી પરંતુ બાદમાં તેનું પણ મોત થયું હતું. આ ઘટના શહેરના ઉત્તર પશ્ચિમમાં આવેલા ફેરમાઉન્ટ વિસ્તારમાં બની હતી. ફિલાડેલ્ફિયા મ્યુઝિયમ ઑફ આર્ટ પણ અહીં આવેલું છે. અધિકારીઓએ ઘટના સ્થળની નજીક દિવસ દરમિયાન પત્રકાર પરિષદ પણ યોજી હતી.

જીલ બિડેને દુઃખ વ્યક્ત કર્યું
  ફાયરના ફર્સ્ટ ડેપ્યુટી કમિશનર ક્રેગ મર્ફીએ કહ્યું, 'આ અત્યાર સુધીનો સૌથી ખરાબ અકસ્માત છે. મેં મારા જીવનમાં આવો અકસ્માત ક્યારેય જોયો નથી. શહેરના મેયર જિમ કેનીએ કહ્યું, 'ઘટનામાં આટલા બાળકોના જીવ ગુમાવ્યા તે જોવું દુઃખદ છે.' રાષ્ટ્રપતિ જો બિડેન અને ફર્સ્ટ લેડી જીલ બિડેનનો આ સ્થાન સાથે ગાઢ સંબંધ છે. આ ઘટના પર શોક વ્યક્ત કરતા જીલ બિડેને ટ્વિટ કર્યું, 'ફિલાડેલ્ફિયામાં આગમાં માર્યા ગયેલા લોકોના પરિવારો અને પ્રિયજનો પ્રત્યે મારી સંવેદના.'

તમારા વિસ્તારના તાજા અને ઝડપી સમાચારો ઘરે બેઠા તમારા મોબાઈલમાં મેળવવા માટે નીચે આપેલ લીંક પર ક્લીક કરી પ્લે-સ્ટોરમાંથી "WEU NETWORK" ની એપ્લિકેશન ડાઉનલોડ કરો
https://play.google.com/store/apps/details?id=com.weu

અમેરિકાના ફિલાડેલ્ફિયામાં ભંયકર દુર્ઘટના : ત્રણ માળની ઈમારતમાં લાગી આગી, 8 બાળકો સહિત 12ના મોત