રાજ્યમાં રખડતી ગાયને કારણે વધુ એક મોત : મૃત્યુ પહેલા પુત્ર સાથેની મુલાકાત અંતિમ મુલાકાત બની|Another death due to stray cow in the state

રાજ્યમાં રખડતી ગાયને કારણે વધુ એક મોત : મૃત્યુ પહેલા પુત્ર સાથેની મુલાકાત અંતિમ મુલાકાત બની

By Weu Network 9, October 2023

- રાજકોટના જસદણમાં પતિની નજર સામે જ પત્નીનું મોત

- બાઈક લઈને દંપત્તિ પસાર થઈ રહ્યું હતું ત્યારે એકાએક ગાય આડી આવતા અકસ્માત સર્જાયો હતો

રાજકોટ, સોમવાર

રાજકોટના જસદણમાં બાઈક લઈને પસાર થઈ રહેલા દંપત્તિની સામે એકાએક ગાય આવતાં સર્જાયેલા અકસ્માતમાં ગંભીર રીતે ઘવાયેલા દંપત્તિમાંથી મહિલાનો મોત થયું હતું, જ્યારે પતિ હાલમાં સારવાર હેઠળ છે. ઘટના મામલે પોલીસ દ્વારા તપાસ હાથ ધરવામાં આવી છે. પોતાની નજર સામે પત્નીનું મોત થતા હાલમાં પતિ અને પરિવારજનો આઘાતમાં છે. હોસ્ટેલમાં રહેતા પુત્રને મળીને પરત ફરી રહેલી માતાને કાળા ભરખી જતા પુત્ર પણ આઘાતમાં છે.ગાંધીનગર, દહેગામ, કલોલ અને માણસા તાલુકાના નાના મોટા સમાચારની લીંક મેળવવા માટે આ લીંક પર ટચ કરો અને અમારા વોટ્સઅપ ગ્રુપને જોઈન્ટ કરો અને મેળવો તમામ સમાચાર

આટકોટના જંગવડ ગામે રહેતા ચંદ્રિકાબેન સિદ્ધપરા તેમના પતિ સાથે હોસ્ટેલમાં રહેતા પોતાના પુત્રને મળવા ગયા હતા જ્યાંથી તેઓ ઘરે પરત જઈ રહ્યા હતા તે સમયે હલેન્ડા રોડ નજીક એકાએક ગાય આડી ઉતરતા પતિ પત્ની બંને માર્ગ ઉપર પટકાયા હતા. જેમાં માથાના અને શરીરના ભાગે થયેલ ગંભીર ઇજાઓને કારણે ચંદ્રિકાબેનનું સારવાર મળે તે પહેલા જ મોત થયું હતું, જ્યારે તેમના પતિ હાલમાં સારવાર હેઠળ છે. થોડા સમય પહેલાં જ પુત્ર સાથે થયેલી મુલાકાત અંતિમ મુલાકાત બની હતી. હજી તો મમ્મીને મળ્યાનો આનંદ દીકરાના મનમાં હતો ત્યાં જ તેના મોતના સમાચાર આવતા દીકરો પણ ભાંગી પડ્યો છે. હાલમાં આ મામલે પોલીસ દ્વારા તપાસ હાથ ધરવામાં આવી છે. હાઇકોર્ટની ટકોર છતાં હજી પણ રખડતા ઢોર રાજ્યના માર્ગો પર જીવલેણ સાબિત થઈ રહ્યા છે.ગાંધીનગર, દહેગામ, કલોલ અને માણસા તાલુકાના નાના મોટા સમાચારની લીંક મેળવવા માટે આ લીંક પર ટચ કરો અને અમારા વોટ્સઅપ ગ્રુપને જોઈન્ટ કરો અને મેળવો તમામ સમાચાર