અરેરાટી : ગુજરાત અને રાજસ્થાન બોર્ડર પર રતનપુર ચેકપોસ્ટ પાસે જીપ અને ટ્રક વચ્ચે અકસ્માત : 7ના મોત|Arerati Accident between jeep and truck near Ratanpur checkpost on Gujarat Rajasthan border 7 killed

અરેરાટી : ગુજરાત અને રાજસ્થાન બોર્ડર પર રતનપુર ચેકપોસ્ટ પાસે જીપ અને ટ્રક વચ્ચે અકસ્માત : 7ના મોત

By Weu Network 15, October 2023

- ઘાયલોને બીછીવાડાની સરકારી હોસ્પિટલમાં સારવાર માટે ખસેડવામાં આવ્યા
- ડુંગરપુર પોલીસ અકસ્માત સ્થળે પહોંચી કાર્યવાહી હાથ ધરી

ભિલોડા,રવિવાર

ગુજરાત અને રાજસ્થાન બોર્ડર પર રતનપુર ચેકપોસ્ટ પાસે ગોઝારો અકસ્માતથી અરેરાટી વ્યાપી છે. જીપ અને ટ્રક વચ્ચે ગંભીર અકસ્માત થયો હતો. જીપ પલટી ખાઈ જતા ઉપર ટ્રક ફરી વળી હતી. જેને લઈ જીપમાં સવાર મુસાફરોએ જીવ ગુમાવ્યા હતા. સ્થાનિક પોલીસ કાફલો ઘટના સ્થળે દોડી જઈને કાર્યવાહી હાથ ધરી છે, બનાવમાં 7 લોકોના કરૂણ મોત નીપજ્યાં છે. જ્યારે અન્ય ઇજાગ્રસ્ત લોકોને સારવાર માટે બીછીવાડાની સરકારી હોસ્પિટલમાં સારવાર માટે ખસેડવામાં આવ્યા છે.

મળતી વિગત અનુસાર ગુજરાત અને રાજસ્થાન બોર્ડર પર રતનપુર ચેકપોસ્ટ નજીક રોડ રક્તરંજિત બન્યો છે. જીપ અને ટ્રક વચ્ચે અકસ્માત સર્જાયો હતો અને જેમાં જીપ પલટી ખાઈ જતા ઉપર ટ્રક ફરી વળી હતી. જેને લઈ જીપમાં સવાર મુસાફરોએ જીવ ગુમાવ્યા હતા. સ્થાનિક બીછીવાડા પોલીસ પણ સ્થળ પર પહોંચી છે. ઘટના ગુજરાત સરહદથી માત્ર કેટલાક મીટરના અંતરે સર્જાઈ હતી. સ્થાનિક ગુજરાત પોલીસના જવાનો પણ અકસ્માતને લઈ મદદે દોડ્યા હતા. અને ઘાયલોને સારવાર માટે મોકલવા તજવીજ હાથ ધરી હતી. સ્થાનિક ડુંગરપુર પોલીસના સૂત્રો અનુસાર 7 લોકોના મોત નિપજ્યા છે અને અન્ય વધુ ગંભીર ઘાયલોને બીછીવાડાની સરકારી હોસ્પિટલમાં સારવાર માટે ખસેડવામાં આવ્યા છે. ગાંધીનગર, દહેગામ, કલોલ અને માણસા તાલુકાના નાના મોટા સમાચારની લીંક મેળવવા માટે આ લીંક પર ટચ કરો અને અમારા વોટ્સઅપ ગ્રુપને જોઈન્ટ કરો અને મેળવો તમામ સમાચાર