કલોલની છત્રાલ જીઆઈડીસીમા જુગાર રમતા ૪ પત્તાપ્રેમીઓ ઝડપાયા|4 card lovers caught gambling in Chhatral GID area of Kalol, કલોલની છત્રાલ જી.આઈ.ડી.સીમા જુગાર રમતા ૪ પત્તાપ્રેમીઓ ઝડપાયા

કલોલની છત્રાલ જીઆઈડીસીમા જુગાર રમતા ૪ પત્તાપ્રેમીઓ ઝડપાયા

By Weu Network 8, October 2023

- પોલીસે ૩૧૦૦ની રોકડ રકમ કબ્જે લઈ કાર્યવાહી હાથ ધરી

કલોલ, રવિવાર

જુગારની પ્રવૃતિને ડામવા માટે પોલીસ દ્વારા સતત કાર્યવાહી કરવામાં આવી રહી છે. ત્યારે કલોલ તાલુકા પોલીસને સફળતા હાથ લાગી છે. બાતમી આધારે પોલીસે છત્રાલ જી.આઈ.ડી.સી. ફેઝ-૧૧માં લાલજી મુળજી ટ્રાન્સપોર્ટની સામે આવેલા બોરની નીચે અડ્ડો જમાવી જુગારનો ખેલ પાડી રહેલા ૪ પત્તાપ્રેમીઓને ઝડપી લઈને તેમની પાસેથી ૩૧૦૦ની રોકડ રકમ કબ્જે લઈ કાર્યવાહી હાથ ધરી છે.ગાંધીનગર, દહેગામ, કલોલ અને માણસા તાલુકાના નાના મોટા સમાચારની લીંક મેળવવા માટે આ લીંક પર ટચ કરો અને અમારા વોટ્સઅપ ગ્રુપને જોઈન્ટ કરો અને મેળવો તમામ સમાચાર

પ્રાપ્ત વિગત અનુસાર કલોલ તાલુકા પોલીસ સ્ટેશનનો સ્ટાફ છત્રાલ બીટ વિસ્તારમાં ખાનગી વાહનમાં પેટ્રોલીંગમાં હતો દરમ્યાન ખાનગી રીતે બાતમી મળી હતી કે છત્રાલ જી.આઈ.ડી.સી. ફેઝ-૧૧માં લાલજી મુળજી ટ્રાન્સપોર્ટની સામે આવેલા બોરની નીચે ખુલ્લી જગ્યામાં જાહેરમાં કેટલાક ઇસમો જુગાર રમી રમાડે છે. જે મામલે પોલીસે બાતમીવાળી જગ્યાએ રેડ કરતાં ઇસમો ત્યાં હાજર મળી આવ્યા હતા અને જુગાર રમતા જણાઈ આવતા પોલીસે તમામને કોર્ડન કરીને ઝડપી લઈ નામ અંગે પૂછપરછ કરતાં ભોલાજી સનાજી ઠાકોર ઉ.વ.૩૪ (રહે.બીલેશ્વરપુરા ગામ ઠાકોરવાસ તા.કલોલ), મહીપાલસિંહ નાહરસિંહ સીસોદીયા ઉ.વ.૫૨ (રહે.મકાન નં.૧૩૨ વોર્ડ નં.૫ ગામડીઅહાડા તા.ગામડી જી.ડુંગરપુર રાજસ્થાન), અશોકભાઇ કેશાભાઇ રાવળ ઉ.વ.૩૨ (રહે. મકાન નં.સી/૭ સુરભી સોસાયટી છત્રાલ લુણાસણ રોડ છત્રાલ ગામ,તા.કલોલ), અમરત ગાભુજી ઠાકોર ઉ.વ.૩૬ (રહે.બી/૨ સુરભી સોસાયટી સોસાયટી છત્રાલ લુણાસણ રોડ છત્રાલ ગામ તા.કલોલ જી.ગાંધીનગર)ના હોવાનું જણાવ્યું હતું. સમગ્ર મામલે પોલીસે અંગજડતીમાંથી તથા દાવ ઉપરથી કુલ રોકડ રકમ રૂ.૩૧૦૦ જપ્ત કરી તપાસ આદરી હતી. ગાંધીનગર, દહેગામ, કલોલ અને માણસા તાલુકાના નાના મોટા સમાચારની લીંક મેળવવા માટે આ લીંક પર ટચ કરો અને અમારા વોટ્સઅપ ગ્રુપને જોઈન્ટ કરો અને મેળવો તમામ સમાચાર