કલોલનો 12 વર્ષનો સગીર ગુમ |A 12 year old minor from Kalol is missing

કલોલનો 12 વર્ષનો સગીર ગુમ

Google ન્યુઝ માં જોડાવા માટે અહીં ક્લિક કરો :

By Weu Network 18, October 2023

- પરિવારે શોધખોળ કરી છતાં પુત્રની ભાળ ન મળતા કલોલ તાલુકા પોલીસ મથકે ફરિયાદ નોંધાવી

- ઘરેથી રમવા જવાનું કહીને નીકળ્યા બાદ પુત્ર ગુમ

કલોલ, બુધવાર

કલોલમાં રહેતાં પરિવારનો બાર વર્ષનો પુત્ર ઘરેથી રમવા જવાનું કહીને નીકળ્યા બાદ ગુમ થઈ ગયો હતો. પરિવારજનો દ્વારા તેની શોધખોળ હાથ ધરવામાં આવી હતી, પરંતુ તેની ભાળ ન મળતાં અંતે આ મામલે કલોલ તાલુકા પોલીસ મથકે પુત્ર ગુમ થયા અંગે ફરિયાદ નોંધાવવામાં આવી છે.

મૂળ ઉત્તર પ્રદેશના અને હાલમાં કલોલ ખાતે જીઆઇડીસી કોલોની માં રહેતા પરિવારનો 12 વર્ષનો પુત્ર શાળાએથી પરત ફર્યા બાદ રમવા જવાનું કહીને ઘરેથી નીકળ્યો હતો. જોકે લાંબો સમય થયા બાદ પણ પુત્ર પરત ન આવતાં પરિવારજનો દ્વારા તેની શોધખોળ શરૂ કરવામાં આવી હતી. અગાઉ પણ બાળક આ રીતે ઘરેથી કોઈને કહ્યા વગર ગયો હતો અને બાદમાં ઝાડ ઉપર સંતાઈને બેસી રહેલી હાલતમાં મળી આવ્યો હતો. જેથી આ વખતે પણ પુત્ર એવી જ રીતે ગુમ થયો હોવાનું ધારીને માતા-પિતા દ્વારા જીઆઇડીસી કેમ્પસમાં તેની શોધખોળ હાથ ધરવામાં આવી હતી.આ ઉપરાંત પરિચિતો અને પાડોશમાં પણ પુત્રની શોધખોળ કરવા છતાં તેની ભાળ ન મળતા અંતે આ મામલે કલોલ તાલુકા પોલીસ મથકે પુત્ર ગુમ થયા અંગે ફરિયાદ નોંધાવતા પોલીસ દ્વારા વધુ તપાસ હાથ ધરવામાં આવી છે.ગાંધીનગર, દહેગામ, કલોલ અને માણસા તાલુકાના નાના મોટા સમાચારની લીંક મેળવવા માટે આ લીંક પર ટચ કરો અને અમારા વોટ્સઅપ ગ્રુપને જોઈન્ટ કરો અને મેળવો તમામ સમાચાર