માણસામાં ભાણીયા અને ભત્રીજાને ઝઘડામાં છોડાવવા વચ્ચે પડેલા આધેડ ઉપર ધારિયાથી હુમલો|A middle aged man caught in the middle of a fight between a cousin and a nephew was attacked with a knife

માણસામાં ભાણીયા અને ભત્રીજાને ઝઘડામાં છોડાવવા વચ્ચે પડેલા આધેડ ઉપર ધારિયાથી હુમલો

Google ન્યુઝ માં જોડાવા માટે અહીં ક્લિક કરો :

By Weu Network 11, October 2023

- ઊંધું ધારિયું મારતાં માથામાં ઈજા

- માણસા પોલીસ દ્વારા ફરિયાદ નોંધવામાં આવી

માણસા, બુધવાર

માણસા તાલુકાના આજોલ ગામમાં બસ સ્ટેન્ડની બાજુમાં આવેલા વાલ્મીકિ વાસમાં યુવકો વચ્ચે થયેલા ઝઘડામાં ભાણિયાને અને કૌટુંબિક ભત્રીજાને વચ્ચે છોડાવવા પડેલા આધેડ ઉપર એક ઇસમે ધારિયાથી હુમલો કરતાં તેમને માથામાં ગંભીર ઈજા થઈ હતી. આ મામલે માણસા પોલીસ દ્વારા હુમલો કરનાર યુવક વિરુદ્ધ ફરિયાદ નોંધને વધુ તપાસ હાથ ધરવામાં આવી છે.

માણસા તાલુકાના આજોલ ગામે રહેતા કનુભાઈ રામાભાઇ (ઉંમર વર્ષ ૪૬) ઘરે આરામ કરી રહ્યા હતા. આ સમયે તેમનો ભાણિયો મહેશ કરશનભાઈ ત્યાં આવ્યો હતો અને મહોલ્લામાં રહેતા કલ્પેશ ડાહ્યાભાઈએ તેને લાફા ઝીંકી દીધા હોવાનું જણાવ્યું હતું. જેથી તુરંત જ કનુભાઈ ફળિયામાં ગયા હતા. જ્યાં ભારે હોબાળો થયો હતો અને મોટી સંખ્યામાં લોકો એકઠા થયા હતા. આ સમયે કનુભાઈએ જોતા કલ્પેશ તેમના કૌટુંબિક ભત્રિજાને માર મારી રહ્યો હતો. જેથી કનુભાઈ વચ્ચે છોડાવવા પડતાં - તારે શું જોવાનું કહીને કલ્પેશે તેના હાથમાંનુ‌ ધારિયું ઊંધું કનુભાઈને માથામાં મારી દેતા તેમને ગંભીર ઈજા થઈ હતી. આ વખતે કનુભાઈના નાના ભાઈ અને અન્ય લોકોએ વચ્ચે પડીને તેમને વધુ મારમાંથી છોડાવ્યા હતા અને કનુભાઈના નાના ભાઈએ 108 ને ફોન કરતા એમ્બ્યુલન્સ આવી પહોંચી હતી. ઈજાગ્રસ્ત કનુભાઈને સારવાર અર્થે ખસેડવામાં આવ્યા હતા. જ્યાં સારવાર બાદ કનુભાઈએ કલ્પેશ ડાહ્યાભાઈ સામે માણસા પોલીસ મથકે ફરિયાદ નોંધાવતા પોલીસે વધુ તપાસ હાથ ધરી છે.ગાંધીનગર, દહેગામ, કલોલ અને માણસા તાલુકાના નાના મોટા સમાચારની લીંક મેળવવા માટે આ લીંક પર ટચ કરો અને અમારા વોટ્સઅપ ગ્રુપને જોઈન્ટ કરો અને મેળવો તમામ સમાચાર