મુખ્યમંત્રી ભૂપેન્દ્ર પટેલે ‘સ્વચ્છતા હી સેવા’ અભિયાનની કામગીરીની સમીક્ષા માટે ઉચ્ચ સ્તરીય બેઠક યોજી|Chief Minister Bhupendra Patel held a high-level meeting to review the performance of 'Swachhata Hi Seva' campaign

મુખ્યમંત્રી ભૂપેન્દ્ર પટેલે ‘સ્વચ્છતા હી સેવા’ અભિયાનની કામગીરીની સમીક્ષા માટે ઉચ્ચ સ્તરીય બેઠક યોજી

Google ન્યુઝ માં જોડાવા માટે અહીં ક્લિક કરો :

By Weu Network 9, October 2023

- મહાનગરપાલિકા વિસ્તારોમાં મહાનગરના પ્રવેશ માર્ગોથી પાંચ કિલોમીટરની હદના વિસ્તારોમાં જનસહયોગથી સફાઈ ઝૂંબેશ દર રવિવારે હાથ ધરાશે
- નગર પાલિકા વિસ્તારોમાં પ્રવેશ માર્ગોથી બે કિલોમીટર તથા ગ્રામ પંચાયત વિસ્તારોમાં મુખ્ય માર્ગો સાથે જોડાયેલા ગ્રામ્ય વિસ્તારોમાં સફાઈ ઝૂંબેશ થશે
- સરકારી કચેરીઓ, વસાહતો, વોટરબોડીઝની પણ સ્વચ્છતા માટે મુખ્યમંત્રીશ્રીએ આપ્યું માર્ગદર્શન

ગાંધીનગર, સોમવાર

મુખ્યમંત્રી ભૂપેન્દ્ર પટેલે વડાપ્રધાન નરેન્દ્ર મોદીની પ્રેરણાથી ૧૫ સપ્ટેમ્બરથી ૨ ઓક્ટોબર સુધી યોજાયેલા ‘સ્વચ્છતા હી સેવા’ અભિયાન અંતર્ગત રાજ્યમાં હાથ ધરાયેલી વિવિધ કામગીરીની સર્વગ્રાહી સમીક્ષા ગાંધીનગરમાં ઉચ્ચ સ્તરીય બેઠક યોજીને કરી હતી. મુખ્યમંત્રીશ્રી આ ‘સ્વચ્છતા હી સેવા’ અભિયાન રાજ્યમાં આગામી બે મહિના સુધી વધુ વ્યાપક બનાવીને સમગ્ર રાજ્યમાં જનસહયોગથી સ્વચ્છતા સફાઈ અભિયાન આગળ ધપાવવા આ બેઠકમાં સ્પષ્ટ દિશાનિર્દેશો આપ્યા હતા.મુખ્યમંત્રી ભૂપેન્દ્ર પટેલે આ સંદર્ભમાં શહેરી વિકાસ વિભાગ અને પંચાયત તથા ગ્રામ વિકાસ વિભાગ તેમ જ અન્ય સંબંધિત વિભાગોને આગામી આઠ સપ્તાહ દરમિયાન દર રવિવારે થીમ આધારિત સફાઈ સ્વચ્છતા કાર્યક્રમો યોજવા સૂચન કર્યું હતું.