માણસા ખાતે એસજીએફઆઇની રાજયકક્ષાની બહેનોની શાળાકીય વોલીબોલ સ્પર્ઘાનું આયોજન|Organized SGFI State Level Sisters School Volleyball Tournament at Mansa

માણસા ખાતે એસજીએફઆઇની રાજયકક્ષાની બહેનોની શાળાકીય વોલીબોલ સ્પર્ઘાનું આયોજન

By Weu Network 16, October 2023

- માણસા ખાતે યોજાઇ રહેલ એસજીએફઆઇની રાજયકક્ષાની બહેનોની
- શાળાકીય વોલીબોલ સ્પર્ઘામાં ૩૮ ટીમો સહભાગી બની

ગાંધીનગર, સોમવાર

ગાંધીનગર જિલ્લાના માણસા ખાતે એસજીએફઆઇની રાજય કક્ષાની ૧૪ વર્ષથી નીચેની બહેનોની શાળાકીય વોલીબોલ સ્પર્ઘાનું આયોજન કરવામાં આવ્યું છે. આ સ્પર્ઘા તા.૧૭મી ઓકટોબર સુઘી ચાલશે. જેમાં ૩૮ બહેનોની ટીમો સહભાગી બની છે.

ગુજરાત સરકારના રમતગમત,યુવા અને સાંસ્કૃતિક પ્રવૃતિઓ વિભાગ,ગાંધીનગર,સ્પોર્ટ્સ ઓથોરીટી ઓફ ગુજરાત,ગાંધીનગર અને જિલ્લા રમતગમત અધિકારી, ગાંધીનગર દ્વારા સંચાલિત (વયજુથ -૧૪ વર્ષથી નીચેના) (SGFI) શાળાકીય રાજ્યકક્ષા વોલીબોલ બહેનો સ્પર્ધા–૨૦૨૩-૨૪નું આયોજન તા.૧૫-૧૦-૨૦૨૩ થી ૧૭-૧૦-૨૦૨૩ દરમ્યાન બ્લિસ્ ઇન્ટર નેશનલ પબ્લિક સ્કૂલ,માણસા ખાતે આયોજન કરવામાં આવ્યું છે. આ સ્પર્ધામાં ગુજરાત રાજ્ય માથી કુલ ૩૮ જિલ્લા/ મહાનગરપાલિકાઓની ટીમોએ ભાગ લીઘો છે. આ ઉપરાંત આવનાર સમયમાં આ સ્પર્ધામાથી પસંદ થયેલા સ્પર્ધકો રાષ્ટ્રીય કક્ષાની (નેશનલ)સ્પર્ધામાં ભાગ લેવા જશે. આ રમતવીરોને પ્રોત્સાહિત કરવા માટે જિલ્લા રમતગમત અધિકારી શ્રી મહેશ ચૌધરી, ગાંધીનગર વ્યાયામ મંડળના પ્રમુખ આર કે ચૌધરી, સંસ્થાના ટ્રસ્ટી બાબુભાઈ, વૉલીબૉલ કોચ શેખ, ભૂપેન્દ્ર ઝાલા,મોહમ્મદ કુરેશી, અને ગાંધીનગર શહેર/ગ્રામ્ય વ્યાયામ શિક્ષક સંઘના હોદ્દેદારો વગેરે મહાનુભાવો ઉપસ્થિત રહ્યા હતા. ગાંધીનગર, દહેગામ, કલોલ અને માણસા તાલુકાના નાના મોટા સમાચારની લીંક મેળવવા માટે આ લીંક પર ટચ કરો અને અમારા વોટ્સઅપ ગ્રુપને જોઈન્ટ કરો અને મેળવો તમામ સમાચાર