ગુજરાતનું ગૌરવ : વિશ્વના બે ટકા ટોચના વૈજ્ઞાનિકોની યાદીમાં ગાંધીનગરના આ 2 વૈજ્ઞાનિકોને મળ્યું સ્થાન|Pride of Gujarat: These 2 scientists from Gandhinagar IIPH have got a place in the list of top two percent scientists of the world

ગુજરાતનું ગૌરવ : વિશ્વના બે ટકા ટોચના વૈજ્ઞાનિકોની યાદીમાં ગાંધીનગરના આ 2 વૈજ્ઞાનિકોને મળ્યું સ્થાન

By Weu Network 12, October 2023

- ગાંધીનગરમાં આવેલી IIPHના બંને વૈજ્ઞાનિક કાર્યરત છે

- ટોચના બે ટકા સંશોધકો માટે તેમના સંશોધન પ્રકાશનોના આધારે પસંદગી કરવામાં આવે છે

ગાંધઈનગર, ગુરૂવાર

ગાંધીનગરની ઈન્ડિયન ઈન્સ્ટિટ્યૂટ ઓફ પબ્લિક હેલ્થના જાણીતા સંશોધક પ્રોફેસર દિલીપ માવલંકર અને ડૉ.મહાવીર ગોલેચ્છાએ ગુજરાતનું ગૌરવ વધાર્યું છે. અમેરિકાની સ્ટેનફોર્ડ યુનિવર્સિટી દ્વારા જાહેર કરવામાં આવેલા વિશ્વના બે ટકા ટોચના વૈજ્ઞાનિકોની યાદીમાં પ્રોફેસર દિલીપ માવલંકર અને ડૉ.મહાવીર ગોલેચ્છાને સ્થાન મળ્યું છે. બંને સંશોધકોને પબ્લિક હેલ્થ અને હેલ્થ સાયન્સના ક્ષેત્રમાં સ્થાન મળ્યું છે. વિશ્વના ટોચના 2% વૈજ્ઞાનિકોમાં ગુજરાતના બન્ને વૈજ્ઞાનિકોનો સમાવેશ થયો છે. ગાંધીનગર, દહેગામ, કલોલ અને માણસા તાલુકાના નાના મોટા સમાચારની લીંક મેળવવા માટે આ લીંક પર ટચ કરો અને અમારા વોટ્સઅપ ગ્રુપને જોઈન્ટ કરો અને મેળવો તમામ સમાચાર

દર વર્ષે અમેરિકાની સ્ટેનફોર્ડ યુનિવર્સિટી દ્વારા વિશ્વભરના ટોચના બે ટકા સંશોધકો માટે તેમના સંશોધન પ્રકાશનોના આધારે પસંદગી કરવામાં આવે છે. ત્યારે આ વર્ષે પણ સ્ટેનફોર્ડ યુનિવર્સિટી દ્વારા વિશ્વના ટોચના 2 ટકા વૈજ્ઞાનિકોની યાદી જાહેર કરી દેવામાં આવી છે સ્ટેનફોર્ડ યુનિવર્સિટી દ્વારા સ્ટાન્ડડૉઈઝડ સિટેશન ઈન્ડિકેટર્સની આધારે તૈયાર કરવામાં આવેલા વૈજ્ઞાનિકોની યાદી જાહેર કરવામાં આવી છે. જેમાં ગાંધીનગર ગાંધીનગરની ઈન્ડિયન ઈન્સ્ટિટ્યૂટ ઓફ પબ્લિક હેલ્થના દિલીપ માવલંકર અને ડૉ.મહાવીર ગોલેચ્છા સ્થાન મળ્યું છે. પ્રોફેસર દિલીપ માવલંકરને રિસ્પેક્ટેડ ફિલ્ડમાં વિશ્વમાં 551મો રેન્ક મળ્યો છે. જ્યારે ડૉ.મહાવીર ગોલેચ્છાને મેડિકલ સાયન્સ ક્ષેત્રના વૈજ્ઞાનિકોમાં 351મો રેન્ક મળ્યો છે. દિલીપ માવલંકર ગાંધીનગર ખાતે આવેલી ઈન્ડિયન ઈન્સ્ટિટ્યૂટ ઓફ પબ્લિક હેલ્થના રિસર્ચર પ્રોફેસર છે. તેમના દ્વારા પર્યાવરણીય જાહેર આરોગ્ય અને જાહેર આરોગ્ય વ્યવસ્થાપનના ક્ષેત્રમાં નોંધપાત્ર યોગદાન આપવામાં આવ્યું છે. તેઓ ગુજરાત સરકારની ઉચ્ચસ્તરીય કોવિડ-19 સમિતિના સભ્ય સચિવ પણ છે. તેઓએ અમદાવાદ અને જ્હોન હોપકિન્સ, યુએસએથી અભ્યાસ કર્યો છે. ડૉ.મહાવીર ગોલેચ્છાએ અલ્ઝાઈમર રોગ અને એપીલેપ્સી પરના ટોચના સંશોધન દ્વારા તબીબી વિજ્ઞાનના ક્ષેત્રમાં નોંધપાત્ર યાગદાન આપ્યું છે. તેઓ હાલ ભારત સરકારના આબોહવા પરિવર્તન અને આરોગ્ય પરના પ્રોજેક્ટનું નેતૃત્વ કરી રહ્યા છે. તેઓ કેન્દ્ર સરકારના સામાન્ય સમીક્ષા મિશનના સભ્ય છે, સાથે જ તેઓએ રાજ્ય સરકારના સંયુક્ત સમીક્ષા મિશનના પણ સભ્ય છે. તેઓએ એમ્સ દિલ્હી અને લંડન સ્કૂલ ઓફ ઈકોનોમિક્સ અને લંડન સ્કૂલ ઓફ હાઈજીનમાંથી અભ્યાસ કરેલો છે. આ સિદ્ધિ બદલ આ બંને સંશોધકોને અભિનંદન પાઠવવમાં આવ્યા હતા.ગાંધીનગર, દહેગામ, કલોલ અને માણસા તાલુકાના નાના મોટા સમાચારની લીંક મેળવવા માટે આ લીંક પર ટચ કરો અને અમારા વોટ્સઅપ ગ્રુપને જોઈન્ટ કરો અને મેળવો તમામ સમાચાર