તસ્કરનો આતંક યથાવત : કલોલના શોપીંગ સેન્ટરની દુકાનમાંથી ૧.૨૫ લાખના મુદ્દામાલની થઈ ચોરી

By Weu Network 18, October 2023

- ઘીના પાઉચ, સી.સી.ટી.વી કેમેરાનું ડિવીડની તસ્કરો ઉઠાવી ગયા
- પોલીસે સમગ્ર મામલે ગુન્હો નોંધી તપાસ આદરી

કલોલ, બુધવાર

પાટનગરમાં તસ્કરોનો આતંક યથાવત જોવા મળી રહ્યો છે. કલોલના અંબિકા હાઇવે ઉપર વાઇટ હાઉસ સોસાયટી પાસે આવેલ શોપીંગ સેન્ટરમાં તસ્કરો ત્રાટક્યા હતા. એક દુકાનના શટર તોડી દુકાનમાં પ્રવેશ કરી ઘીના પાઉચ, સી.સી.ટી.વી કેમેરાનું ડિવીઆર સહિત ૧.૨૫ લાખની મત્તા ચોરી કરી હતી. ચોરીની જાણ દુકાનના માલિકને થતાં તેઓ દુકાને આવી આ અંગે અજાણ્યા ઇસમો સામે ચોરીની ફરિયાદ નોંધાવતા પોલીસે સમગ્ર મામલે ગુન્હો નોંધી તપાસ આદરી છે.

પ્રાપ્ત વિગત અનુસાર કલોલના દવે એપાર્ટમેન્ટમાં રહેતા વિષ્ણુભાઇ પચાણભાઇ ચૌહાણ અંબિકા હાઇવે ઉપર વાઇટ હાઉસ સોસાયટી પાસે આવેલ શોપીંગ સેન્ટરમાં અમુલ હોલસેલની એજન્સીની દુકાન ચલાવે છે. ત્યારે બે દિવસ પહેલા તેઓ નિત્યક્રમ અનુસાર સાંજે દુકાન બંધ કરીને ઘરે ગયા હતા. દરમિયાન દુકાનમાં કામ કરતા જયદીપ દરબારે જણાવ્યું હતું કે દુકાનનું તાળું તૂટેલી હાલતમાં છે તેથી વિષ્ણુભાઇ ઘરેથી દુકાન આવી તપાસ કરતાં દુકાનના મેઇન લોખંડની જાળી તેમજ તેની પાછળનુ શટલ અને દરવાજા ખુલ્લા હતા અને ત્રણેયના નકુચા તુટેલ હાલતમાં હતા. તેથી દુકાનમાં મૂકેલો ઘીનો સ્ટોક તપાસતા અમુલ ગાયનુ ધી ના બોક્સમાંથી ૨૦ પાઉચ, સાગર ઘી બોક્સમાંથી બે પાઉચ, સી.સી.ટી.વી કેમેરાનું ડિવીઆર સહિત રૂપીયા ૧,૨૫,૦૦૦ની કોઈ ઇસમે ચોરી કરી હોવાનું સામે આવ્યું હતું. જે મામલે તેમણે અજાણ્યા ઈસમ સામે કલોલ સિટી પોલીસ સ્ટેશનમાં ફરિયાદ નોંધાવી છે. (તસવીર પ્રતીકાત્મક છે)ગાંધીનગર, દહેગામ, કલોલ અને માણસા તાલુકાના નાના મોટા સમાચારની લીંક મેળવવા માટે આ લીંક પર ટચ કરો અને અમારા વોટ્સઅપ ગ્રુપને જોઈન્ટ કરો અને મેળવો તમામ સમાચાર