વિજયનગરના વાંકડા ગામે પૈસા પરત માંગવા મામલે મહિલાની છરીના ધા ઝીંકી હત્યા|A woman was stabbed to death in Vijayanagars Wankra village for demanding money back

વિજયનગરના વાંકડા ગામે પૈસા પરત માંગવા મામલે મહિલાની છરીના ધા ઝીંકી હત્યા

By Weu Network 17, October 2023

- શખ્સે ઉછીના રૂપિયા પરત માંગી રાજસ્થાનના પરિવાર પર હુમલો કર્યો
- મૃતકની પુત્રીએ માતાના હત્યારા સામે ફરિયાદ દાખલ કરવી

વિજયનગર, મંગળવાર

રાજસ્થાનનો શ્રમજીવી પરિવાર વિજયનગરના વાંકડા ગામે રહીને મજૂરી કામ કરે છે ત્યારે શખ્સે ઘરે આવી ઉછીના લીધેલા રૂપિયા પરત માંગીને માથાકૂટ કરી હતી. જે બાદ છરી અને લાકડી વડે હુમલો કરીને મહિલા પર છરીના ઘા ઝીંકી તેની હત્યા નિપજાવી હતી. બનાવને પગલે ચકચાર મચી જવા પામી હતી. આજુબાજુના લોકો એકઠા થઈ ગયા હતા. આ અંગે મૃતકની પુત્રીએ માતાના હત્યારા સામે ફરિયાદ દાખલ કરાવતા પોલીસે ગુન્હો નોંધી કાર્યવાહી હાથ ધરી છે.

મળતી વિગત અનુસાર મૂળ રાજસ્થાન અને હાલમાં વિજયનગરના વાંકડા ગામે રહેતા ઉષાબેન ભીમાભાઇ બે દિવસ પહેલા રાત્રિના સમયે પરિવાર સાથે ઝુંપડાની બહાર બેસ્યા હતા. દરમ્યાન કોડીયાવાડા ગામનો ભુપેન્દ્ર મગનભાઇ ડામોર તેમની પાસે આવીને પિતાને કહયું હતું કે ઉછીના લીધાં હતા એ રૂપિયા આપ તેથી ફરિયાદીના પિતાએ હાલ તેમની પાસે રૂપિયા ન હોવાનું જણાવતા ભુપેન્દ્ર ઉશ્કેરાઇને લાકડીથી પિતાને મારવા લાગતાં ઉષાબેન અને તેમની માતા બચાવવા વચ્ચે પડતાં ભુપેન્દ્રએ છરી કાઢી ત્રણેયને મારતા ઉષાબેન તેમની દીકરીને લઈને બાજુની ઝુંપડીમાં સંતાઈ ગયા હતા. હુમલો કરી ભુપેન્દ્ર ફરાર થઈ ગયો હતો જે બાદ ઉષાબેન પરત ઘરે આવીને જોતાં માતા-પિતા લોહી લુહાણ હાલતમાં પડ્યા હતા અને માતાને છરીથી ગંભીર ઇજાઓ થઈ હોવાથી તેમનું ઘટના સ્થળે જ મોત થયું હતું. બનાવની જાણ કુટુંબીઓને કરતાં તેઑ ઘટના સ્થળે દોડી આવ્યા હતા. આ અંગે ઉષાબેને માતાની હત્યા કરનાર ભુપેન્દ્ર સામે ચિઠોડા પોલીસ પોલીસ સ્ટેશનમાં ફરિયાદ નોંધાવી છે. (તસવીર પ્રતીકાત્મક છે) ગાંધીનગર, દહેગામ, કલોલ અને માણસા તાલુકાના નાના મોટા સમાચારની લીંક મેળવવા માટે આ લીંક પર ટચ કરો અને અમારા વોટ્સઅપ ગ્રુપને જોઈન્ટ કરો અને મેળવો તમામ સમાચાર