રાજ્યમાં 16 ઓક્ટોબરે થશે સેલ બ્રોડકાસ્ટ એલર્ટ સિસ્ટમનું ટેસ્ટિંગ, તમામ મોબાઈલ આ સમયે એક સાથે રણકશે |Cell broadcast alert system will be tested in the state on October 16 all mobiles will ring simultaneously

- રાજ્ય સરકાર દ્વારા વિવિધ કુદરતી આપત્તિથી બચવા-સાવચેતી અંગેના ટેસ્ટિંગ મેસેજ આવશે
- કોઈએ ગભરાવાની- ચિંતિત થવાની જરૂર નથી

ગાંધીનગર, શનિવાર

હવે સમગ્ર રાજ્યમાં 16 ઓક્ટોબર, 2023 સોમવારના રોજ સવારે 11 કલાકે Large Scale Testing of Cell Broadcast થનાર છે. સેલ બ્રોડકાસ્ટ એલર્ટ સિસ્ટમ એ મોબાઈલ ઉપકરણો પર વિવિધ કુદરતી આપત્તિની મહત્વપૂર્ણ માહિતી મોકલવા માટેની સુવિધા છે. જો હમણાં જ તમારો ફોન જોરથી રણક્યો અને તમે પણ ચોંકી ગયા, તો તમે પણ મેસેજ વાંચ્યો જ હશે. આ મેસેજ દરેક મોબાઈલ યુઝરના ફોન પર આવ્યો છે અને દરેક વ્યક્તિ જાણવા માંગે છે કે તેનો અર્થ શું છે? શું આનાથી કોઈને કોઈ ખતરો છે? અચાનક ફોન પર જોરદાર અવાજ આવ્યો અને એક મેસેજ ફ્લૅશ થયો જેમાં ઈમરજન્સી એલર્ટ જેવું કંઈક લખેલું હતું અને તેના પર કોઈ પગલાં ન લેવાનું કહેવામાં આવ્યું હતું. છેલ્લા કેટલાક મહિનામાં આવા મેસેજ અને એલર્ટ ઘણી વખત આવ્યા છે. આમાં 'ઇમરજન્સી એલર્ટ' જેવું નોટિફિકેશન આવે છે અને ફોન જોરથી વાગવા લાગે છે અથવા વાઇબ્રેટ થવા લાગે છે. સંદેશમાં જ લખ્યું છે કે તે ભારત સરકાર દ્વારા મોકલવામાં આવ્યું છે. આ સંદેશ નિયમિત સમયાંતરે વિવિધ ભાષાઓમાં મોકલવામાં આવી રહ્યો છે. ત્યારે હવે સમગ્ર રાજ્યમાં 16 ઓક્ટોબર, 2023 સોમવારના રોજ સવારે 11 કલાકે Large Scale Testing of Cell Broadcast થનાર છે.

હવામાનની વિવિધ ગંભીર ચેતવણીઓથી લઈને સ્થળાંતર,બચાવ કામગીરી જેવી સૂચનાઓ મોબાઈલ ઉપકરણો દ્વારા જાહેર જનતાને સલામતી માટે મોકલવામાં આવે તેની આ સુવિધા અંગેના ટેસ્ટીંગ મેસેજ મોબાઈલ ઉપર સોમવારે સવારે અગિયાર વાગ્યે પ્રસારિત થશે. “આ સેમ્પલ ટેસ્ટિંગ મેસેજ” હશે જે ભારત સરકારના ટેલિકોમ્યુનિકેશન વિભાગ દ્વારા સેલ બ્રોડકાસ્ટિંગ સિસ્ટમ દ્વારા મોકલવામાં આવશે. સોમવારે આવનાર આ મેસેજ- સંદેશને લોકોએ અવગણવાનો રહેશે. તે અંગે મેસેજ મેળવનાર નાગરિકો તરફથી કોઈ પગલાં લેવાની કે ચિંતા કરવાની જરૂર નથી. આ સંદેશ નેશનલ ડિઝાસ્ટર મેનેજમેન્ટ ઓથોરિટી દ્વારા લાગુ કરવામાં આવી રહેલી સમગ્ર દેશની ઇમરજન્સી એલર્ટ સિસ્ટમના પરીક્ષણ માટે મોકલવામાં આવવાનો છે. કટોકટી દરમિયાન સમયસર ચેતવણી આપીને જાહેર સલામતી વધારવા તેમજ જાનહાનિ અટકાવવાના ઉદ્દેશ્ય સાથે ભવિષ્યમાં આ વ્યવસ્થા અમલી બનાવવામાં આવનાર છે તેના પરીક્ષણના ભાગરૂપે આ મેસેજ મોકલવામાં આવનાર છે તેમ સ્ટેટ ઇમરજન્સી ઓપરેશન સેન્ટર, ગાંધીનગરની યાદીમાં જણાવાયું છે.ઉલ્લેખનીય છે કે,નેશનલ ડિઝાસ્ટર મેનેજમેન્ટ ઓથોરિટી- NDMA દ્વારા SACHET પોર્ટલ વિકસાવવામાં આવ્યું છે. આ પોર્ટલ થકી જાહેર જનતાને ડિઝાસ્ટર સંબંધી મેસેજ અલગ અલગ માધ્યમથી મોકલી શકાય છે.

અગ્રેજી ભાષામાં મેસેજ -
"TESTING MESSAGE sent through Cell Broadcasting System by Department of Telecommunication, Government of India. Please ignore this message as no action is required from your end. This message has been sent to test Pan-India Emergency Alert System being implemented by National Disaster Management Authority. It aims to enhance public safety and provide timely alerts during emergencies. "

હિન્દી ભાષામાં મેસેજ -
"यह भारत सरकार के दूरसंचार विभाग द्वारा सेल ब्रॉडकास्टिंग सिस्टम के माध्यम से भेजा गया एक नमूना परीक्षण संदेश है। कृपया इस संदेश पर ध्यान न दें क्योंकि इस पर आपकी ओर से किसी कार्रवाई की आवश्यकता नहीं है। यह संदेश राष्ट्रीय आपदा प्रबंधन प्राधिकरण द्वारा कार्यान्वित किए जा रहे अखिल भारतीय आपात अलर्ट सिस्टम को जांचने हेतु भेजा गया है। इस सिस्टम का उद्देश्य सार्वजनिक सुरक्षा बढ़ाना और आपात स्थिति के दौरान समय पर अलर्ट प्रदान करना है।"ગાંધીનગર, દહેગામ, કલોલ અને માણસા તાલુકાના નાના મોટા સમાચારની લીંક મેળવવા માટે આ લીંક પર ટચ કરો અને અમારા વોટ્સઅપ ગ્રુપને જોઈન્ટ કરો અને મેળવો તમામ સમાચાર