ડીસાના આ વડીલની અનોખી ભક્તિ : સાયકલ ઉપર 70 વર્ષની ઉંમરે 450 કિલોમીટરનું અંતર કાપીને માતાના મઢ જશે|Disa's unique devotion to this elder

ડીસાના આ વડીલની અનોખી ભક્તિ : સાયકલ ઉપર 70 વર્ષની ઉંમરે 450 કિલોમીટરનું અંતર કાપીને માતાના મઢ જશે

By Weu Network 9, October 2023

- છેલ્લા ૨૫ વર્ષથી વિવિધ યાત્રાઓ કરી રહ્યા છે

- નવ દિવસ કચ્છમાં રહીને સેવા કરશે

ડીસા, સોમવાર

શ્રદ્ધાનો હો વિષય ત્યાં પુરાવાની શું જરૂર... સાચી ભક્તિ તમને આંતરિક શક્તિ આપે છે તેમાં કોઈ બેમત નથી અને આ જ વાતને દિશાના એક વડીલ પુરવાર કરી રહ્યા છે. 70 વર્ષની ઉંમર અને 450 કિલોમીટરનું અંતર, મનમાં આશાપુરા માતાના દર્શનની તાલાવેલી, મુખે માડીનું નામ અને હૈયે માં ની ભક્તિ સાથે જુના ડીસાથી માના એક ભક્ત આશાપુરા જવા રવાના થયા છે.ગાંધીનગર, દહેગામ, કલોલ અને માણસા તાલુકાના નાના મોટા સમાચારની લીંક મેળવવા માટે આ લીંક પર ટચ કરો અને અમારા વોટ્સઅપ ગ્રુપને જોઈન્ટ કરો અને મેળવો તમામ સમાચાર

70 વર્ષની ઉંમરે મોટાભાગના વડીલો ઘરમાં નિરાંતે બેસીને કે નજીકના કોઈ મંદિરમાં જઈને ભક્તિ કરતાં જોવા મળે, પણ જુના ડીસાના 70 વર્ષના એક માઈ ભક્ત પોતાની ભક્તિના પ્રતાપે સાયકલ ઉપર 450 km નું અંતર કાપીને આશાપુરાના ધામ એવા માતાના મઢ ખાતે દર્શનાર્થે જાય છે. ડીસાથી કચ્છમાં આવેલા માતાના મઢ પહોંચવા માટે 450 km નું અંતર કાપવું પડે છે. જુના ડીસામાં રહેતા અને સોમીલ ચલાવતા લાલજીભાઈ પટેલ શુક્રવારે માતાના મઢ જવા માટે સાયકલ લઈને રવાના થયા છે. બુધવારે માં આશાપુરાના દર્શન કરશે. 9 દિવસ સુધી ઉપવાસ કરી માં ના સાનિધ્યમાં જ રહેશે અને ત્યાં સેવા કરશે. 70 વર્ષે સાયકલ ઉપર આવી લાંબી યાત્રા કરવામાં લાલજીભાઈ ને થાક નથી લાગતો તેનું કારણ માં ની ભક્તિનો પ્રતાપ છે.ગાંધીનગર, દહેગામ, કલોલ અને માણસા તાલુકાના નાના મોટા સમાચારની લીંક મેળવવા માટે આ લીંક પર ટચ કરો અને અમારા વોટ્સઅપ ગ્રુપને જોઈન્ટ કરો અને મેળવો તમામ સમાચાર