ગુલ્લીબાજ તલાટીઓ હવે તમારી ખેર નથી : ડીડીઓએ તલાટીઓના લોકેશન માગતાં ફફડાટ|

ગુલ્લીબાજ તલાટીઓ હવે તમારી ખેર નથી : ડીડીઓએ તલાટીઓના લોકેશન માગતાં ફફડાટ

By Weu Network 5, October 2023

- ત્રણ દિવસમાં ડીડીઓએ ૩૬ તલાટીના લોકેશન મગાવ્યા જેમાં ૯ તલાટીઓ અનિયમિત જણાયા
- તલાટીઓની ફરજ સમયે ડીડીઓએ ફોન કરીને લોકેશન માગતાં કેટલાય તલાટીઓ ગેંગેંફેંફેં થયા

ગાંધીનગર,ગુરુવાર

સરકારી નોકરી એટલે આરામની નોકરી અને કોઈ પૂછવાવાળું નહી એવી ગ્રંથિ દરેક સરકારી કર્મચારીઓમાં જાેવા મળે છે. કોઈ ભૂલ થશે કે બદલી થશે કે પછી સસ્પેન્ડ કરવામાં આવશે અને પછી કેસ પૂર્ણ થયા બાદ ફરી નોકરી ચાલુ થઈ જશે. સરકારના અનેક ખાતાઓમાં લોલમલોલ ચાલી રહ્યું છે અને સરકારી કર્મચારીઓ મનફાવે તેમ આવી રહ્યા છે અને ફરજ દરમિયાન પણ હાજર જાેવા મળતા નથી. આવા કર્મચારીઓની સાન ઠેકાણે આવે તે માટે સરકાર પણ એક્શનમાં આવી છે ત્યારે એક જિલ્લા વિકાસ અધિકારીએ તલાટીઓ સામે સપાટો બોલાવ્યો છે અને ફરજ સમયે હાજર તલાટીઓના લોકેશન મગાવતાં ૯ જેટલા તલાટીઓની બોલતી બંધ થઈ ચૂકી છે અને તેઓ અનિયમિત જણાતાં હવે તેમની સામે આકરી કાર્યવાહી થઈ શકે છે.

મહીસાગર જિલ્લાના ડીડીઓએ છેલ્લા ત્રણ દિવસમાં ૩૬ તલાટીઓના લોકેશન મગાવ્યા હતા. જેમાં તલાટીઓનો ફોન કરીને તેઓ ક્યાં હાજર છે તેના લોકેશન મગાવ્યા હતા જેમાં ૯ જેટલા તલાટીઓની અનિમિતતા સામે આવી હતી. હવે તેમની સામે પગાર કાપવા સહિતની કાર્યવાહી કરવામાં આવી શકે છે. છેલ્લા કેટલાય સમયથી ફરિયાદો ઊઠી રહી હતી કે તલાટીઓ ફરજના સમયે હાજર થતા નથી ્‌અને જિલ્લા વિકાસ અધિકારીને પણ સાચો જવાબ આપતા નથી. આખરે જિલ્લા વિકાસ અધિકારીએ લોકેશન મગાવવાના શરૂ કરતાં અનિયમિત રહેતા તલાટીઓમાં ફફડાટ ફેલાયો છે. હવે આ જિલ્લા વિકાસ અધિકારીએ જે રીતે સપાટો બોલાવ્યો છે તેવો સપાટો અન્ય જિલ્લાઓમાં પણ જાેવા મળી શકે છે. રાજ્ય સરકાર પણ લેટ લતીફ અને કામ ન કરનારા અધિકારીઓ અને કર્મચારીઓને ૫૦થી ૫૫ વર્ષની વયે નિવૃત્ત કરી દેવાના મૂડમાં છે.ગાંધીનગર, દહેગામ, કલોલ અને માણસા તાલુકાના નાના મોટા સમાચારની લીંક મેળવવા માટે આ લીંક પર ટચ કરો અને અમારા વોટ્સઅપ ગ્રુપને જોઈન્ટ કરો અને મેળવો તમામ સમાચાર