પાટણમાં લગ્નના ૪૦ વર્ષ બાદ સંતાન ન થતાં પતિનો પરિણીતા પર ત્રાસ |In Patan after 40 years of marriage the husband tortures the wife after not having children

પાટણમાં લગ્નના ૪૦ વર્ષ બાદ સંતાન ન થતાં પતિનો પરિણીતા પર ત્રાસ

By Weu Network 8, October 2023

- મહિલાને હૃદયની તકલીફ હોવાથી પતિ તેની સાથે અવારનવાર ઝઘડો કરી ત્રાસ ગુજારતો
- પોલીસે ફરિયાદ આધારે ગુન્હો નોંધી તપાસ આદરી

પાટણ, રવિવાર

મહિલાઓને સાસરિયાઓ દ્વારા ત્રાસ આપતા હોવાના અનેક બનાવો સામે આવી ચૂક્યા છે ત્યારે વધુ એક બનાવ પાટણમાંથી સામે આવ્યો છે જ્યા લગ્નના ૪૦ વર્ષ બાદ સંતાન ન થતાં પરિણીતાને પતિએ ત્રાસ આપતા પરિણીતાએ પોલીસ સ્ટેશનમાં દરવાજા ખખડાવવા મજબૂર બની છે. સમગ્ર મામલે પતિ સામે પોલીસ સ્ટેશનમાં ફરિયાદ નોંધાવતા પોલીસે ગુન્હો નોંધી તપાસ આદરી છે.

પ્રાપ્ત વિગત અનુસાર સાંતલપુર તાલુકાનાં આંતરનેશ ગામે લગ્નનાં 40 વર્ષ બાદ 55 વર્ષની એક નિસંતાન મહિલા ઘરેલું હિંસાનો ભોગ બની છે. મહિલાને સંતાન ન હોવાથી તેના પતિ તેને વાંઝણી કહીને મેણા ટોણા મારતો હતો. મહિલાને હૃદયની તકલીફ હોવાથી પતિ તેની સાથે અવારનવાર ઝઘડો કરી ત્રાસ ગુજારતો હતો. દરમ્યાન તેનાં પતિએ તેનું ઘર અન્યને વેચી મારતાં પરિણીતા તેનાં પતિને કહેલ કે, કેમ તમે આપણું ઘર વેચી નાંખ્યું, આપણે હવે ક્યાં રહીશું. તેમ કહેતાં તેનાં પતિએ ઉશ્કેરાઇ જઇને ઝઘડો કર્યો હતો.અંતે ઝઘડો વધી જતાં આજુબાજુના લોકો એકઠા થઈ જતાં તેના ભાઈને જાણ કરતાં ભાઇ આવીને તેડી ગયો હતો. આમ પતિના ત્રાસથી કંટાળીને પત્નીએ પતિ સામે ફરિયાદ દાખલ કરાવી હતી. પોલીસે ફરિયાદ આધારે ગુન્હો નોંધી તપાસ આદરી છે. ગાંધીનગર, દહેગામ, કલોલ અને માણસા તાલુકાના નાના મોટા સમાચારની લીંક મેળવવા માટે આ લીંક પર ટચ કરો અને અમારા વોટ્સઅપ ગ્રુપને જોઈન્ટ કરો અને મેળવો તમામ સમાચાર