અમરેલીના ચલાલા-ખાંભા રોડ પર એસટી બસ અને છકડા વચ્ચે ગમખ્વાર અકસ્માત, 2 લોકોના ઘટના સ્થળે મોત, 2ને ઈજા|Gamkhwar accident between ST bus and Chhakada on Chalala Khambha road in Amreli

અમરેલીના ચલાલા-ખાંભા રોડ પર એસટી બસ અને છકડા વચ્ચે ગમખ્વાર અકસ્માત, 2 લોકોના ઘટના સ્થળે મોત, 2ને ઈજા

By Weu Network 14, October 2023

- ચલાલા-ખાંભા રોડ ઉપર એસ.ટી.ની ટક્કરે છકડો રીક્ષા પલટી ખાઈ ગઈ
- છકડો રિક્ષામાં સવાર 4 માંથી બે લોકોના ઘટના સ્થળે મોત થયા

અમરેલી, શનિવાર

અમરેલી જિલ્લામાં વાંરવાર અકસ્માતની ઘટનાઓ બની રહી છે. આ વચ્ચે આજે વહેલી સવારે ચલાલા-ખાંભા રોડ ઉપર ધારગણી અને વાવડી વચ્ચે એસ.ટી.બસ અને છકડો રીક્ષા વચ્ચે ટક્કર થઈ હતી. ધારગણીથી વાવડી પાસે એસટી બસએ છકડો રિક્ષાને ટક્કર મારી હતી. ગાંધીનગર કોડીનાર રૂટની એસટી બસ અને છકડો રિક્ષા વચ્ચે ગોજારો અકસ્માત સર્જાયો હતો. જેમાં છકડો રિક્ષામાં સવાર 4 માંથી બે લોકોના ઘટના સ્થળે મોત થયા છે. જ્યારે 2 વ્યક્તિને ઈજા થતાં સારવાર માટે ભાવનગરની હોસ્પિટલમાં ખસેડવામાં આવ્યા છે.

ગાંધીનગર-કોડીનાર રૂટની એસ.ટી.બસ પસાર થઈ રહી હતી. તે સમયે છકડો રીક્ષાને ટક્કર લાગી જતા છકડો રીક્ષા પલટી મારી ગયો હતો. જેથી રિક્ષાનો કચ્ચરઘાણ વળી ગયો હતો. આ અકસ્માતમાં 2 વ્યક્તિના મોત નિપજ્યા હતા. એકને સામાન્ય અને બીજાને ગંભીર ઇજા થઈ હતી. ગંભીર રીતે ઇજાગ્રસ્તને ભાવનગર વધુ સારવાર અર્થે ખસેડાયા હતા. મૃતદેહ ચલાલા સિવિલ હોસ્પિટલ ખાતે પીએમ અર્થે લવાયા હતા. પોલીસ દ્વારા આ મુદ્દે વધુ તપાસ હાથ ધરાઈ છે. મૃતકના નામ મુકેશભાઈ, સવજીભાઈ તથા સિકંદરભાઈ (ધારગણી) હોવાનું સામે આવ્યું છે.ગાંધીનગર, દહેગામ, કલોલ અને માણસા તાલુકાના નાના મોટા સમાચારની લીંક મેળવવા માટે આ લીંક પર ટચ કરો અને અમારા વોટ્સઅપ ગ્રુપને જોઈન્ટ કરો અને મેળવો તમામ સમાચાર