નવરાત્રીના પ્રથમ નોરતે કેન્દ્રીય ગૃહ રાજ્ય મંત્રી વતનમાં |On the first day of Navratri Union Minister of State for Home Affairs in his hometown

નવરાત્રીના પ્રથમ નોરતે કેન્દ્રીય ગૃહ રાજ્ય મંત્રી વતનમાં

Google ન્યુઝ માં જોડાવા માટે અહીં ક્લિક કરો :

By Weu Network 15, October 2023

- મંત્રી અમિત શાહ માણસા ખાતે બહુચર માતાજીના મંદિરે નતમસ્તક થયા

- પરિવાર સાથે આરતીમાં ભાગ લીધો

માણસા, રવિવાર

કેન્દ્રીય ગૃહ અને સહકાર મંત્રી અમિત શાહ આજે નવરાત્રીના પહેલા નોરતે તેમના વતન માણસા ખાતે પહોંચ્યા હતા. સાથે તેમણે બહુચર માતાજીના મંદિરે પૂજન કરીને આરતીમાં ભાગ લીધો હતો. કેન્દ્રીય ગૃહ મંત્રીના આગમન પહેલા ચુસ્ત પોલીસ બંદોબસ્ત તૈનાત કરવામાં આવ્યો હતો.

જગતજનની માં અંબાના નવલા નોરતાના આગમન સાથે જ સૌ કોઈ ભક્તિમાં લીન થઈ ગયા છે. ઠેર ઠેર માં અંબાના પૂજન અને આરતીના આયોજનો થઈ રહ્યા છે ત્યારે કેન્દ્રીય ગૃહ અને સહકાર મંત્રી અમિત શાહ આજે નવલી નવરાત્રીના પહેલા નોરતાએ પોતાના વતન માણસા ખાતે આવી પહોંચ્યા હતા. પરિવાર સાથે માણસા પહોંચેલા અમિત શાહે બહુચર માતાજીના મંદિરે વિશેષ પૂજા અર્ચના કરી હતી અને આરતીમાં પણ ભાગ લીધો હતો. અમિત શાહ દર નવરાત્રીએ તેમના વતન માણસામાં આવે છે અને માતાજીના દર્શન કરી આરતીનો લ્હાવો લે છે. વર્ષોથી તેઓએ નવરાત્રીમાં માણસા આવવાની પરંપરાને જાળવી રાખી છે. આજે અમિત શાહના આગમન પહેલાં માણસામાં ચુસ્ત પોલીસ બંદોબસ્ત તૈનાત કરવામાં આવ્યો હતો. અમિત શાહ સાથે તેમના પુત્ર જય શાહ પણ પરિવાર સાથે માતાજીની આરાધનામાં ઉપસ્થિત રહ્યા હતા.ગાંધીનગર, દહેગામ, કલોલ અને માણસા તાલુકાના નાના મોટા સમાચારની લીંક મેળવવા માટે આ લીંક પર ટચ કરો અને અમારા વોટ્સઅપ ગ્રુપને જોઈન્ટ કરો અને મેળવો તમામ સમાચાર