- JDS એ કર્ણાટકમાં BJP સાથે ગઠબંધનની જાહેરાત કરી
- કર્ણાટક ના પૂર્વ સીએમ અને જેડીએસ નેતા એચડી કુમારસ્વામીએ કહ્યું કે ભાજપ સાથે અમારું જોડાણ ચાલુ રહેશે
કર્ણાટક, રવિવાર
JDS એ કર્ણાટકમાં BJP સાથે ગઠબંધનની જાહેરાત કરી છે. ત્યારથી, પાર્ટીના ઘણા નેતાઓએ તેનો વિરોધ કરવા માટે મોરચો ખોલ્યો. દરમિયાન કર્ણાટકના પૂર્વ સીએમ અને જેડીએસ નેતા એચડી કુમારસ્વામીએ કહ્યું કે ભાજપ સાથે અમારું જોડાણ ચાલુ રહેશે.એચડી કુમારસ્વામીએ આજે કહ્યું કે આજની બેઠકમાં, પાર્ટીના વરિષ્ઠ નેતાઓએ ભાજપ અને જેડીએસના જોડાણને ચાલુ રાખવાનું સમર્થન કર્યું. તેમણે કહ્યું કે અમારી પાર્ટીમાં કોઈ મતભેદ નથી અને તમામ ધારાસભ્યો અહીં હાજર હતા.આ પહેલા જનતા દળ સેક્યુલર કર્ણાટકના પ્રમુખ સીએમ ઈબ્રાહિમે ભાજપ સાથે પાર્ટીના ગઠબંધન પહેલા સલાહ ન લેવા પર નારાજગી વ્યક્ત કરી હતી. ઈબ્રાહિમે આરોપ લગાવ્યો હતો કે ચૂંટાયેલા પ્રમુખ હોવા છતાં પાર્ટીએ ભાજપ સાથે હાથ મિલાવતા પહેલા તેમની સાથે સલાહ લીધી ન હતી. જોકે, તેમણે પાર્ટી છોડવાની ના પાડી દીધી હતી.
