- પાકિસ્તાને સરહદ પર ફરી ગંદી હરકતો કરી
- શ્રીગંગાનગર જિલ્લામાં એક ખેતરમાંથી પાકિસ્તાની ડ્રોન મળી આવ્યું
- આ ડ્રોન દોઢ કિલો હેરોઈન, પિસ્તોલ અને કારતુસ લઈને આવ્યું હતું
રાજસ્થાન, રવિવાર
પાકિસ્તાન સરહદે રાજસ્થાનના સરહદી વિસ્તારમાં ફરી એકવાર પાકિસ્તાની ડ્રોન મળી આવ્યું છે. આ ડ્રોનની સાથે હથિયાર, કારતૂસ અને હેરોઈન પણ મળી આવ્યા છે. ઝડપાયેલ હેરોઈન લગભગ દોઢ કિલો હોવાનું કહેવાય છે. આંતરરાષ્ટ્રીય સરહદ પર પાકિસ્તાની ડ્રોન મળ્યા બાદ બીએસએફ અને સ્થાનિક પોલીસ સહિત અન્ય સુરક્ષા એજન્સીઓ એલર્ટ મોડ પર આવી ગઈ છે. સુરક્ષા એજન્સીઓએ આ વિસ્તારમાં નાકાબંધી કરી દીધી છે. સ્થળના દરેક ખૂણે ખૂણે સર્ચ કરવામાં આવી રહ્યું છે. એક અઠવાડિયામાં અહીંથી આ બીજું પાકિસ્તાની ડ્રોન મળ્યું છે.પોલીસના જણાવ્યા અનુસાર, આ પાકિસ્તાની ડ્રોન શનિવારે શ્રીકરણપુર સેક્ટરના 1X કોહલી ચેકપોસ્ટ વિસ્તારમાંથી મળી આવ્યું હતું. ડ્રોન સંપૂર્ણપણે સલામત છે. તેની પાસેથી ડ્રગ્સ અને હથિયારોનું પેકેટ મળી આવ્યું હતું. ડ્રોન પાસે મળી આવેલ ડ્રગ હેરોઈન હતું. તેનું વજન દોઢ કિલો છે. આ સાથે એક પિસ્તોલ અને મેગેઝીન સાથે 8 કારતૂસ પણ ત્યાં પડેલા મળી આવ્યા હતા.ગાંધીનગર, દહેગામ, કલોલ અને માણસા તાલુકાના નાના મોટા સમાચારની લીંક મેળવવા માટે આ લીંક પર ટચ કરો અને અમારા વોટ્સઅપ ગ્રુપને જોઈન્ટ કરો અને મેળવો તમામ સમાચાર
