National

મહારાષ્ટ્રના નાગપુરમાં ભીષણ માર્ગ અકસ્માત, પાંચ લોકોના દર્દનાક મોત

મહારાષ્ટ્રના નાગપુરમાં ભીષણ માર્ગ અકસ્માત, પાંચ લોકોના દર્દનાક મોત

- ટવેરા અને ટ્રક વચ્ચે થયેલી અથડામણમાં પાંચ લોકોના કરુણ મોત થયા
- મૃતકોમાં ત્રણ મહિલા અને બે પુરૂષોનો સમાવેશ: બાળકીનો થયો આબાદ બચાવ

નાગપુર, શનિવાર 

   મહારાષ્ટ્રના નાગપુર જિલ્લામાં એક ભયાનક માર્ગ અકસ્માતમાં પાંચ લોકોના કરૂણ મોત થયા છે. જણાવવામાં આવી રહ્યું છે કે ટવેરા અને ટ્રક વચ્ચે થયેલી અથડામણમાં આ પાંચ લોકોના કરુણ મોત થયા છે. મૃતકોમાં ત્રણ મહિલા અને બે પુરૂષો છે. એક બાળકી બચી જવાના સમાચાર પણ છે. આ કાર નાગપુરથી ઉમરેડ તરફ જઈ રહી હતી  ત્યારે તે ટ્રક સાથે અથડાઈ હતી.

    આ દુર્ઘટનામાં મરનારા લોકોનો આંકડો હજૂ પણ વધી શકે છે. આ દુર્ઘટના ત્યારે થઈ જ્યારે ટવેરા ગાડી ટ્રકને ઓવરટેક કરી રહી હતી. કહેવાય છે કે, શુક્રવારની રાતે સાડા દશ વાગ્યે લગભગ ટવેરા ઉમરેડથી નાગપુર તરફ જઈ રહી હતી. આ દરમિયાન ઉમરગામ પાસે ટવેરાની ટક્કર ટ્રક સાથે થઈ હતી. ટક્કર એટલી જબરદસ્ત હતી કે, ટવેરા ગાડીનો આગળનો ભાગ ભાંગીને ભુક્કો થઈ ગયો હતો. મૃતકમાં 6 પુરુષ અને 1 મહિલા સામેલ છે. જે બધાં એક બીજાના સંબંધીઓ હતા. દુર્ઘટના બાદ નાગપુર ઉમરેડ હાઈવેને થોડી કલાક માટે બંધ કરવો પડ્યો હતો. હાઈવેની બંને તરફ ગાડીઓની લાઈનો લાગી ગઈ હતી. આ બાજૂ દુર્ઘટનાની જાણકારી મળતા પોલીસ પણ ઘટનાસ્થળે પહોંચી ગઈ હતી. પોલીસે ક્રેન દ્વારા દુર્ઘટનાગ્રસ્ત ગાડીઓને રસ્તા પરથી હટાવી અને વાહનવ્યવહાર શરૂ કર્યો હતો.

તમારા વિસ્તારના તાજા અને ઝડપી સમાચારો ઘરે બેઠા તમારા મોબાઈલમાં મેળવવા માટે નીચે આપેલ લીંક પર ક્લીક કરી પ્લે-સ્ટોરમાંથી "WEU NETWORK" ની એપ્લિકેશન ડાઉનલોડ કરવા અહી ટચ કરો
 

 

મહારાષ્ટ્રના નાગપુરમાં ભીષણ માર્ગ અકસ્માત, પાંચ લોકોના દર્દનાક મોત