અગાઉ અરવલ્લીના મોડાસામાં ક્રિકેટ રમતાં રમતાં ૨૦ વર્ષીય આશાસ્પદ યુવકનું હાર્ટએટેકથી મોત નિપજ્યું હતું તો રાજકોટમાં ચાલુ ક્લાસે વિદ્યાર્થી ઢળી પડ્યો હતો અને સારવાર મળે તે પહેલાં તેનું પ્રાણપંખેરું ઊડી ગયું હતું.રાજ્યમાં પાછલા બે મહિનામાં અંદાજે ૫૦થી વધારે યુવકોએ હાર્ટએટેકથી જીવ ગુમાવ્યો હતો અને જેના માટે યુવાનોમાં પણ ફફડાટ ફેલાયો હતો. ક્રિકેટ રમતાં રમતાં યુવકો ઢળી પડ્યા હતા અને મોતને ભેટ્યા હતા. તંદુરસ્ત યુવકો કે જેમને કોઈ વ્યસન પણ નહોતું તેવા યુવકો હાર્ટએટેકનો શિકાર બની રહ્યા હતા. જેના માટે કેન્દ્ર સરકારે પણ એક સમિતિ બનાવી છે તો રાજ્ય સરકાર પણ એક્શનમાં આવી હતી. હવે આ મામલે મોટો ખૂલાસો થયો છે અને કેમ યુવકો હાર્ટએટેકનો શિકાર બન્યા તેનું રહસ્ય બહાર આવી ગયું છે. લાંબા સમયની તપાસ બાદ આખરે ડોક્ટરોને તેમાં સફળતા મળી છે. 

  હાર્ટએટેક મામલે ડોક્ટરોની ટીમે હાર્ટએટેક આવવા પાછળનું કારણ શું છે તે બહાર લાવ્યા છે. કોરોના ઈફેક્ટને પણ મહત્વપૂર્ણ માનવામાં આવી રહી છે અને જેના કારણે શારીરિક શ્રમ કરતી વખતે શરીરમાં પ્લેક ફાટવાના કારણે હાર્ટએટેકના કિસ્સા વધી રહ્યા છે. પ્લેક એ ચરબીયૂક્ત પદાર્થ છે જે ધમનીની દિવાલોમાં ભેગો થાય છે. ધમનીમાં પ્લેકનું પ્રમાણ વધુ થાય તો ગણતરીની મિનિટોમાં ૧૦૦ ટકા સુધી પહોંચી જાય છે અને આવામાં વ્યક્તિ વધુ શ્રમ કરે તો હાર્ટએટેક આવે છે. આ સિવાય ડાયાબિટીસ અને હાયપર ટેન્શનના કારણે પણ પ્લેક ફાટી શકે છે. કોરોના બાદ પ્લેક ફાટવાનું પ્રમાણ વધ્યું છે અને તેનાથી બચવા માટે શારીરિક શ્રમ કરતાં પહેલાં હૃદયની તપાસ કરાવી લેવી હિતાવહ છે. અગાઉ આઈબીમાં ડીવાયએસપી તરીકે ફરજ બજાવતા હતા તેવા એસ.એન.ચૌધરીને હાર્ટએટેક આવ્યો હતો અને જેના કારણે તેમનું પ્રાણપંખેરું ઊડી ગયું હતું. ડીવાયએસપી સ્વસ્થ હતા પણ એકાએક છાતીમાં દુઃખાવો ઊપડ્યા બાદ ગભરામણ થઈ હતી અને તેઓ ઢળી પડ્યા હતા. બાદમાં બનાસકાંઠાના કાંકરેજના શિરવાડાના ગૌતમ જાેષીનું હાર્ટએટેકના કારણે અવસાન થયું હતું જેમની ઉંમર માત્ર ૩૬ વર્ષ હતી. તેઓ કાંકરેજ યૂથ કોંગ્રેસના પૂર્વ પ્રમુખ હતા. બાદમાં તલોદ સાયન્સ કોલેજના બોટની વિભાગના પ્રોફેસર અને ટ્રિનીટી સ્કૂલના સંચાલક તેમજ સોલા ઉમિયાધામના ડીરેક્ટર ડો.વસંતભાઈ એ પટેલ (ધોળુ)નું હાર્ટએટેકથી અવસાન થયું હતું. જામનગરના હૃદયરોગ નિષ્ણાત ડોક્ટર ગૌરવ ગાંધીનું હાર્ટએટેકથી નિધન થયું હતું.

  રાજકોટના બે આશાસ્પદ યુવકોના હાર્ટએટેકથી મોત બાદ તબીબોએ કહ્યું હતું કે, બાળકોમાં હૃદયની જન્મજાત ખામી હોવાના કારણે હાર્ટએટેક આવ્યો છે. હૃદયની એક દિવાલ પાતળી અને બીજી દિવાલી જાડી હોવાના કારણે હાર્ટએટેક આવ્યો છે અને આ બંને કિસ્સા મેડીકલ સાયન્સ માટે રેરેસ્ટ ઓફ ધ રેર કહી શકાય તેમ ડોક્ટરોએ કહ્યું હતું. અગાઉ પણ વિદ્યાર્થીઓના હાર્ટએટેકથી મોત બાદ પીએમ રિપોર્ટમાં હૃદયની જન્મજાત ખામી અને બિમારી હોવાના કારણે મોત નિપજ્યાનું બહાર આવ્યું હતું. કોરોના અને વેક્સિનને હાર્ટએટેક સાથે કોઈ સંબંધ નથી તેવું હાર્ટ સ્પેશિયાલિસ્ટ ડો.તેજસ પટેલ પણ અગાઉ કહી ચૂક્યા છે. બેઠાડું જીવન અને શારીરિક શ્રમનો અભાવ અને જંકફૂડના કારણે નાની ઉંમરે હાર્ટએટેકના કિસ્સા વધ્યા છે અને લોકોમા જાગ્રૃતિનો અભાવ છે.ગાંધીનગર, દહેગામ, કલોલ અને માણસા તાલુકાના નાના મોટા સમાચારની લીંક મેળવવા માટે આ લીંક પર ટચ કરો અને અમારા વોટ્સઅપ ગ્રુપને જોઈન્ટ કરો  અને મેળવો તમામ સમાચાર

ગુજરાતના સમાચાર વાંચવા અહી ટચ કરો 
ગાંધીનગર, દહેગામ, માણસા અને કલોલમાં શું બન્યું તે જાણવા આ લિન્ક ઓપન કરો
સાબરકાંઠા, અરવલ્લી જીલ્લામાં શું બન્યું તે જાણવા આ લિન્ક ઓપન કરો
ખેડા, આણંદ જીલ્લામાં શું બન્યું તે જાણવા આ લિન્ક ઓપન કરો
રાષ્ટ્રીય સમાચાર જોવા માટે અહી ટચ કરો 

આંતરરાષ્ટ્રીય સમાચાર જોવા માટે અહી ટચ કરો 
સ્પોર્ટ્સ સમાચાર જોવા માટે અહી ટચ કરો 
મનોરંજનના સમાચાર જોવા માટે અહી ટચ કરો 
બીઝનેસના સમાચાર જોવા માટે અહી ટચ કરો 
સ્વતંત્રતા ભારત @ 75ના સમાચાર જોવા માટે અહી ટચ કરો 

અપરાધની વિશેષ સ્ટોરી જોવા માટે અહી ટચ કરો 
અવનવી વિશેષ સ્ટોરી જોવા માટે અહી ટચ કરો 
ધાર્મિક વિશેષ સ્ટોરી જોવા માટે અહી ટચ કરો 
એજ્યુકેશન વિશેષ સ્ટોરી જોવા માટે અહી ટચ કરો આરોગ્ય વિશેષ સ્ટોરી જોવા માટે અહી ટચ કરો 
અનર્થ વિશેષ સ્ટોરી જોવા માટે અહી ટચ કરો 

અતિરેક વિશેષ સ્ટોરી જોવા માટે અહી ટચ કરો
પ્લે-સ્ટોરમાંથી "WEU NETWORK" ની એપ્લિકેશન ડાઉનલોડ કરવા અહી ટચ કરો
યૂટ્યૂબ ચેનલ જોવા અહી ટચ કરો 
ફેસબુક પેજ પર અમને ફોલો કરવા અહી ટચ કરો
ટ્વિટર પર અમને ફોલો કરવા અહી ટચ કરો