પાટિલનો હૂંકાર : ગુજરાતની લોકસભાની તમામ બેઠકો પાંચ લાખથી વધુની લીડથી જીતીશું|

પાટિલનો હૂંકાર : ગુજરાતની લોકસભાની તમામ બેઠકો પાંચ લાખથી વધુની લીડથી જીતીશું

By Weu Network 6, October 2023

- મોરબી ઝૂલતા પૂલ દૂર્ઘટનાના મૃતકોની યાદમાં મોરારી બાપુની રામકથામાં પાટિલ પહોચ્યા
- વિધાનસભામાં રેકોર્ડબ્રેક ૧૫૬ સીટ જીત્યા બાદ હવે ભાજપનો ટાર્ગેટ લોકસભાની ચૂંટણી

ગાંધીનગર, શુક્રવાર

લોકસભાની ચૂંટણી પહેલાં ભાજપે કમર કસી છે અને તડામાર તૈયારીઓ આરંભી દીધી છે. વિધાનસભાની ચૂંટણીમાં રેકોર્ડબ્રેક જીત મેળવ્યા બાદ હવે ભાજપનું લક્ષ્ય સતત ત્રીજીવાર કેન્દ્રમાં સરકાર બનાવવાનું છે તો ગુજરાતમા પણ સતત ત્રીજીવાર તમામે તમામ ૨૬ બેઠકો જીતવાનું લક્ષ્ય છે. પ્રદેશ ભાજપ પ્રમુખ પાટિલ પણ એક્શનમાં છે અને તેઓ અગાઉ પણ કહી ચૂક્યા છે કે, સતત ત્રીજીવાર કેન્દ્રમાં વડા પ્રધાન નરેન્દ્ર મોદીના નેતૃત્વમાં ભાજપની સરકાર બનશે અને ગુજરાતની તમામે તમામ ૨૬ લોકસભાની બેઠકો જીતશે. આજે ફરીથી પાટિલે હૂંકાર કર્યો હતો અને ગુજરાતની તમામ ૨૬ બેઠકો જીતવાનો વિશ્વાસ વ્યક્ત કર્યો હતો.

મોરબી ઝૂલતા પૂલ દૂર્ઘટનામાં ૧૩૫થી વધારે લોકોના મોત નિપજ્યા હતા અને મૃતકોની યાદમાં નાની વાવડીના કબીરધામ ખાતે મોરારીબાપુ દ્વારા રામકથાનું આયોજન કરવામાં આવ્યું હતું. જ્યાં પાટિલ પહોંચ્યા હતા અને મોરારીબાપુના આશીર્વાદ લીધા હતા અને બાદમાં રાજકોટ પહોંચ્યા હતા. રાજકોટ પહોચ્યા બાદ પાટિલે હૂંકાર કરતાં કહ્યું હતું કે, સતત ત્રીજીવાર ગુજરાતની લોકસભાની તમામે તમામ ૨૬ બેઠકો પાંચ લાખથી વધારેની લીડથી જીતીશું. કોંગ્રેસ અને આમ આદમી પાર્ટીના સૂપડાં સાફ થઈ જશે તેવો હૂંકાર કર્યો હતો. લોકસભાની ચૂંટણીને લઈ ભાજપે તૈયારીઓ આરંભી દીધી છે અને પાટિલ તમામ જિલ્લાઓના પ્રવાસ પણ કરી રહ્યા છે. લોકસભાની ચૂંટણીમાં ગુજરાતમાં ભાજપનો વિજય રથ અટકાવવા માટે કોંગ્રેસ કેવી રણનીતિ કરે છે અને તેમાં કેટલી સફળ થાય છે એ તો આવનારો સમય કહેશે પણ હાલ તો ભાજપના પ્રદેશ પ્રમુખ પાટિલને ગુજરાતની ૨૬ બેઠકો જીતવાનો વિશ્વાસ છે. ગાંધીનગર, દહેગામ, કલોલ અને માણસા તાલુકાના નાના મોટા સમાચારની લીંક મેળવવા માટે આ લીંક પર ટચ કરો અને અમારા વોટ્સઅપ ગ્રુપને જોઈન્ટ કરો અને મેળવો તમામ સમાચાર